सरकारी निर्णयविरुद्ध पत्रकार महासंघ आक्रामक, सच्याउन चेतावनी

नेपाल पत्रकार महासंघकी अध्यक्ष निर्मला शर्मा ले हालै सरकारद्वारा गरिएको निर्णयप्रति कडा आपत्ति जनाएकी छन्। उनले उक्त निर्णयलाई प्रेस तथा अभिव्यक्ति स्वतन्त्रतामाथि अंकुश लगाउने षड्यन्त्रको संज्ञा दिँदै तत्काल सच्याउन माग गरेकी छन्।
अध्यक्ष शर्माले जारी गरेको प्रतिक्रिया अनुसार, स्वतन्त्र प्रेसमाथि हस्तक्षेप गर्ने कुनै पनि प्रयास लोकतान्त्रिक मूल्य र मान्यताविपरीत हुने बताइएको छ। उनले सरकारलाई यस्तो निर्णय फिर्ता लिन आग्रह गर्दै सञ्चार क्षेत्रको स्वतन्त्रता सुनिश्चित गर्न ध्यानाकर्षण गराएकी छन्।

यदि निर्णय तत्काल सच्याइएन भने देशव्यापी आन्दोलनमा उत्रिने चेतावनी पनि महासंघले दिएको छ। महासंघको भनाइ अनुसार, प्रेस स्वतन्त्रता कमजोर पार्ने कुनै पनि कदम सह्य नहुने स्पष्ट पारिएको छ।
सरकारको उक्त निर्णयप्रति सञ्चार क्षेत्रका विभिन्न संघसंस्थाहरूले समेत चासो व्यक्त गर्न थालेका छन्। यस विषयले आगामी दिनमा थप बहस र आन्दोलनको रूप लिन सक्ने संकेत देखिएको छ।