मधेश प्रदेशमा यादवले लिए सभामुखको शपथ

मधेश प्रदेश सभाका नवनिर्वाचित सभामुख रामअशिष यादवले पद तथा गोपनीयताको शपथ ग्रहण गरेका छन्। प्रदेश सभाबाट सभामुखमा चयन भएको केही घण्टामै आइतबार राति शपथ समारोह सम्पन्न भएको हो।
प्रदेश प्रमुखको कार्यालयमा आयोजित कार्यक्रममा प्रदेश प्रमुख सुरेन्द्र लाभले सभामुख यादवलाई शपथ खुवाए। निर्वाचन प्रक्रिया सकिएलगत्तै शपथग्रहण गराइनुबाट प्रदेश सभाको नेतृत्व औपचारिक रूपमा कार्यभार सम्हाल्ने चरणमा प्रवेश गरेको छ।
सभामुख यादवको शपथसँगै मधेश प्रदेश सभाको संसदीय कामकाजलाई अघि बढाउने संवैधानिक आधार थप सुदृढ भएको छ।