सरकारले जेनजी आन्दोलनका ४५ जना मृतकलाई शहीद घोषणा गर्‍यो(नामावली सहित)

राष्ट्रहित, सुशासन र भ्रष्टाचार नियन्त्रणका मागसहित भएको जेनजी आन्दोलनका क्रममा ज्यान गुमाएका ४५ जनालाई सरकारले शहीद घोषणा गरेको छ।

गृह मन्त्रालय स्रोतका अनुसार, मन्त्रालयले गठित अध्ययन समिति, सुरक्षा निकायहरू र जिल्ला प्रशासन कार्यालयहरूबाट प्राप्त प्रतिवेदनका आधारमा उनीहरूलाई शहीदका रूपमा मान्यता दिने निर्णय गरेको हो।

गत भदौ २३ र २४ गते देशभर भएका विरोध प्रदर्शनका क्रममा काठमाडौंसहित विभिन्न स्थानमा ४५ जनाको मृत्यु भएको थियो। ती सबैलाई अब राज्यको तर्फबाट आधिकारिक रूपमा शहीदको सूचीमा सूचीकृत गरिने गृह मन्त्रालयले जनाएको छ।

सरकारले शहीद घोषित व्यक्तिहरूका परिवारलाई क्षतिपूर्ति र अन्य सुविधा प्रदान गर्ने सम्बन्धमा छुट्टै कार्यविधि तयार गर्ने तयारी गरेको बताइएको छ।